தெலுக் இன்தானைச் சேர்ந்த மாணவி சஸ்மிதா சிவகுமார், SMK St. Anthony, Teluk Intan பள்ளியில் கல்வி பயின்று, அண்மையில் வெளியிடப்பட்ட எஸ்.டி.பி.எம். (STPM) தேர்வில் 4.00 CGPA பெற்று சிறப்பான சாதனையைப் படைத்துள்ளார்.
இதற்கு முன்னர், அவர் எஸ்.பி.எம். (SPM) தேர்வில் தமிழ் மற்றும் தமிழ் இலக்கியம் உட்பட 11 பாடங்களில் A பெற்று தனது கல்வித் திறமையை நிரூபித்திருந்தார். கல்வியில் தொடர்ந்து சிறந்து விளங்கி வரும் சஸ்மிதா, எதிர்காலத்தில் வழக்கறிஞராக (Lawyer) உருவாக வேண்டும் என்ற இலக்குடன் தனது உயர்கல்விப் பயணத்தைத் தொடர விரும்புகிறார்.
தனது வெற்றிக்கான காரணமாக பெற்றோர், குடும்பத்தினர் மற்றும் பள்ளி ஆசிரியர்களின் அர்ப்பணிப்பான வழிகாட்டுதலையும் ஊக்கத்தையும் சஸ்மிதா நன்றியுடன் நினைவுகூர்ந்தார்.
“எனது இந்த வெற்றி என் பெற்றோரின் தியாகம், குடும்பத்தினரின் ஆதரவு மற்றும் ஆசிரியர்களின் அர்ப்பணிப்பான வழிகாட்டுதலின் பலனாகும். என்னை நம்பி ஊக்குவித்த அனைவருக்கும் மனமார்ந்த நன்றியைத் தெரிவித்துக் கொள்கிறேன்,” என்று அவர் கூறினார்.
சஸ்மிதாவின் இந்த சிறப்பான சாதனை அவரது குடும்பத்தினருக்கும், பள்ளிக்கும், சமூகத்திற்கும் பெருமை சேர்த்துள்ளது. அவரது கடின உழைப்பு, ஒழுக்கம் மற்றும் உயர்ந்த இலக்குகள், இன்றைய மாணவர்களுக்கு ஒரு சிறந்த முன்மாதிரியாக அமைந்துள்ளன.