புத்ரா ஜெயா அக் 6-
தேசிய தொழில் நுட்ப தொழில் திறன் கல்வி மற்றும் பயிற்சி கவுன்சிலின் கூட்டம் நேற்று (MTVET) துணைப் பிரதமர் டத்தோஸ்ரீ டாக்டர் அஹ்மட் ஜாஹிட் ஹமிடி தலைமையில் விமரிசையாக நடைபெற்றது.
இந்த கவுன்சில் கூட்டத்தில், TVET தொடர்பான 12 அமைச்சுகளைச் சேர்ந்த அமைச்சர்கள், தொழில்துறை பிரமுகர்கள் மற்றும் கல்விப் பிரமுகர்கள் சம்பந்தப்பட்ட MTVET உறுப்பினர்கள் கலந்துகொண்டனர்.
குறிப்பாக மனித வள அமைச்சர் வ சிவகுமார், உள்துறை அமைச்சர் டத்தோஸ்ரீ சைபுடின் நசுத்தியோன், கல்வி அமைச்சர் பாட்லினா சிடேக் உட்பட பலரும் கலந்து சிறப்பித்தனர்.
நான்கு TVET அதிகாரமளிக்கும் முயற்சிகள் குறித்து இந்த கூட்டத்தில் விவாதிக்கப்பட்டன.
- மனிதவள அமைச்சின் கீழ் இயங்கும் TVET திட்ட விண்ணப்பம் (UPTVET)..
- உயர்கல்வி அமைச்சின் கீழ் உள்ள தொழில்துறை அரசு TVET ஒருங்கிணைப்பு அமைப்பின் (GITC) செயல்பாடு.
- உயர்கல்வி அமைச்சின் பாலிடெக்னிக் அடிப்படை தொழில்நுட்ப தொழிற்கல்வி மற்றும் பயிற்சித் திட்டத்தை (BASIC TVET) செயல்படுத்துதல்.
- அகாடமி இன் இண்டஸ்ட்ரி (AiI) திட்டம். மலேசிய உற்பத்தித்திறன் கழகத்தின் (MPC) உற்பத்தித்திறனை அதிகரித்தல்.
கூட்டத்தில் TVET திட்டத்தின் பகுத்தறிவு, தரநிலைகளை மேம்படுத்துதல், பாடத்திட்டம் மற்றும் தொழில்துறையின் வளர்ச்சிக்கு துணைபுரியும் ஆசிரியர்களின் திறன் ஆகியவற்றை வலியுறுத்தியுள்ளது.
தேசிய இரட்டைப் பயிற்சி அமைப்பு (SLDN), அகாடமி இன் இண்டஸ்ட்ரி (AiI) மற்றும் மட்டு திட்டங்கள் போன்ற TVET திட்டங்களை செயல்படுத்துவதில் உள்ள நெகிழ்வுத்தன்மை, அதிக பங்கேற்பாளர்களை ஈர்க்கவும், வாழ்நாள் முழுவதும் கற்றல் தேவைகளைப் பூர்த்தி செய்யவும் விவாதிக்கப்பட்டது என்பது குறிப்பிடத்தக்கது.
இதனிடையே இந்த நிகழ்வில் தேசிய தீவேட் உயர்மட்ட குழுவின் உறுப்பினராக டத்தோ ஜோ.பழனிப்பன் நியமிக்கப்பட்டார்.