சுங்கை பட்டாணி , ஜூலை 6 – பண்டார் புத்ரி ஜெயாவில் நேற்று இரவு போலீசாருடன் நடந்த துப்பாக்கிச் சூட்டின் போது சுட்டுக் கொல்லப்பட்ட 34 வயது நபரின் மனைவி விசாரணைக்கு உதவ ஏழு நாட்கள் காவலில் வைக்கப் பட்டுள்ளார்.
கோலா மூடா காவல்துறைத் தலைவர் ஏ. சி. பி ஹன்யான் ராம்லான் கூறுகையில், 20 வயதே ஆன அந்தப் பெண், அருகிலுள்ள தம்பதியினரின் வாடகை வீட்டில் கைது செய்யப்பட்டார்.
“வளாகத்தில் தேடுதல் நடத்தப்பட்டது, அதில் நாங்கள் ஒரு துப்பாக்கியை பறிமுதல் செய்தோம். ரிமாண்ட் உத்தரவு இன்று முதல் ஜூலை 12 வரை நடைமுறைக்கு வருகிறது “என்று அவர் கோலா மூடா மாவட்ட போலீஸ் தலைமையகத்தில் செய்தியாளர்களிடம் கூறினார்.
பண்டார் புத்ரி ஜெயாவில் ஒரு நடவடிக்கையின் போது போலீசார் மீது துப்பாக்கிச் சூடு நடத்தியதாகக் கூறப்பட்ட பின்னர் இரவு 7.50 மணியளவில் அந்த நபர் கொல்லப்பட்டார்.
முன்னதாக, புக்கிட் அமானின் குற்றவியல் புலனாய்வுத் துறையின் (சிஐடி) நடவடிக்கை இயக்குனர் டத்தோ ஃபாடில் மார்சஸ், சந்தேக நபர் குற்றச் செயல்களில் ஈடுபட்டதாக நம்பப்படுவதாகவும், நேற்று காலை ஜித்ராவில் சுட்டுக் கொல்லப்பட்ட இரண்டு நபர்களுடன் தொடர்பு இருந்ததாகவும் கூறினார்.
bernama