கோலாலம்பூர் ஜூலை 18
நாட்டின் புதிய தலைமை நீதிபதியாக டத்தோ வான் ஃபரித் நியமிக்கப்பட்டுள்ளார்.இந்த நியமனம் குறித்து நள்ளிரவில் ஊடக அறிக்கை ஒன்று வெளியானது.
அதில் கூட்டரசு நீதிமன்றத்தின் தலைமைப் பதிவாளர் அலுவலகம், கூட்டாட்சி அரசியலமைப்பின் பிரிவு 122B இன் பிரிவு (1) இன் அடிப்படையில் பிரதமரின் ஆலோசனையின் மாட்சிமை தங்கிய மாமன்னர், மலாய் ஆட்சியாளர்களின் மாநாட்டுடன் கலந்தாலோசித்த பிறகு, மேல்முறையீட்டு நீதிமன்ற நீதிபதி டத்தோ வான் அகமது ஃபரித் வான் சாலேவை புதிய தலைமை நீதிபதியாக நியமிக்க ஒப்புதல் அளித்துள்ளதாக அறிவிக்கப்பட்டுள்ளது.
மேல்முறையீட்டு நீதிமன்றத்தின் தலைவர் பதவியை அபு பக்கர் ஜெய்ஸ் நிரப்புவார். அதே நேரத்தில் ஓய்வுபெறும் நீதிபதிக்குப் பதிலாக சபா, சரவாக்கில் உள்ள உயர் நீதிமன்றத்தின் தலைமை நீதிபதியாக அஜிசா நவாவி பொறுப்பேற்பார்.
நியமனக் கடிதத்தை வழங்குவது, பதவிப் பிரமாணம், கையொப்பமிடும் விழா, மாட்சிமை தங்கிய மாமன்னர் முன்னிலையில் ஜூலை 28 அன்று இஸ்தானா நெகாராவில் நடைபெறும் என்று அந்த அறிக்கையில் குறிப்பிடப்பட்டுள்ளது.