கிள்ளான், ஜூன் 28- அரச மலேசிய சுங்கத் துறையின் மத்திய 11
பிராந்தியம் (சிலாங்கூர்) கிள்ளான் பள்ளத்தாக்குப் பகுதியில் அண்மையில்
மேற்கொண்ட ஆறு அதிரடிச் சோதனை நடவடிக்கைகளில் ஸாம்ஸாம் நீர்,
சிகிரெட் உள்ளிட்ட பொருள்கள் பறிமுதல் செய்யப்பட்டன. கைப்பற்றப்பட்ட
பொருள்களின் மதிப்பு வரியுடன் சேர்த்து 730,530 வெள்ளி என
மதிப்பிடப்பட்டது.
கடந்த மே 21ஆம் தேதி ஷா ஆலமில் உள்ள கிடங்கு ஒன்றில்
நடத்தப்பட்ட சோதனையில் 117,200 வெள்ளி மதிப்புள்ள 4,685 லிட்டர்
ஸாம்ஸாம் நீர் கண்டு பிடிக்கப்பட்டதாகச் சுங்கத் துறையின் மத்திய
பிராந்திய உதவி தலைமை இயக்குநர் நோர்லீலா இஸ்மாயில் கூறினார்.