பிறை, செப் 30-
பினாங்கு Hospital Seberang Jaya மருத்துவமனையில் (HSJ) 2026ஆம் ஆண்டுக்கான Pain Awareness Day நிகழ்ச்சியில் கலந்து கொண்டு, அதனை அதிகாரப்பூர்வமாக செனட்டர் டாக்டர் லிங்கேஸ்வரன் தொடக்கி வைத்தார்.
வலியை அமைதியாகத் தாங்கிக் கொள்வது அவசியமல்ல. ஒவ்வொரு நோயாளியும் வலியை வெவ்வேறு விதமாக அனுபவிக்கின்றனர். எனவே, ஒவ்வொரு நோயாளியின் குரலும் அனுபவமும் கவனமாகக் கேட்கப்பட்டு, உரிய முக்கியத்துவம் அளிக்கப்பட வேண்டும் என்று அவர் கேட்டுக் கொண்டார்.
எனது உரையில், வலி மேலாண்மை என்பது வெறுமனே மருந்துகளை வழங்குவதுடன் முடிவடைவதல்ல என்பதை வலியுறுத்தினேன்.
துல்லியமான மதிப்பீடு, பொருத்தமான சிகிச்சை, உடற்பயிற்சி சிகிச்சை, மறுவாழ்வு, உளவியல் ஆதரவு மற்றும் முழு சுகாதாரக் குழுவினரின் ஒருங்கிணைந்த ஒத்துழைப்பு ஆகியவற்றை உள்ளடக்கிய முழுமையான அணுகுமுறை அவசியமாகும்.
மலேசியாவில், 2008ஆம் ஆண்டு முதல் வலி “Fifth Vital Sign” (ஐந்தாவது முக்கிய உயிரியல் அறிகுறி) என அங்கீகரிக்கப்பட்டுள்ளது. இதன் மூலம், நோயாளிகளின் பராமரிப்பில் வலியை மதிப்பீடு செய்து, அதற்குரிய சிகிச்சையை வழங்குவது முக்கியமான ஒரு பகுதியாகும் என்பது வலியுறுத்தப்படுகிறது.
10 ஆண்டுகளுக்கும் மேலாக எனக்கு அறிமுகமான Dato’ Dr Usha அவர்களுக்கு எனது சிறப்பு நன்றியையும் பாராட்டையும் பதிவு செய்ய விரும்புகிறேன்.
நான் மருத்துவப் பணியில் இருந்த காலத்திலிருந்தே அவரை அறிந்திருக்கிறேன். அப்போது, வலி மேலாண்மையின் முக்கியத்துவத்தை அவர் எங்களுக்கு தொடர்ந்து நினைவூட்டியும் வலியுறுத்தியும் வந்தார்.
இன்று, வலி மேலாண்மைத் துறையில் அவர் மேற்கொண்ட முயற்சிகளும் அர்ப்பணிப்பும் தொடர்ந்து பலனளித்து, நோயாளிகளுக்கான சிகிச்சை முறைகளில் நடைமுறையான மாற்றமாக உருவெடுத்திருப்பதைப் பார்ப்பதில் நான் மிகவும் மகிழ்ச்சியடைகிறேன்.
Dato’ Dr Usha அவர்கள் இந்த ஆண்டு இறுதியில் தனது சேவையை நிறைவு செய்யவுள்ளார். சுகாதாரச் சேவைக்கும், குறிப்பாக வலி மேலாண்மைத் துறைக்கும் அவர் ஆற்றிய அளப்பரிய சேவை, அர்ப்பணிப்பு மற்றும் பங்களிப்புகளுக்காக எனது மனமார்ந்த நன்றியையும் உயர்ந்த பாராட்டையும் தெரிவித்துக் கொள்கிறேன்.
இந்தப் பணியின் தொடர்ச்சியான முன்னேற்றத்திற்கு ஆதரவாக, 2027ஆம் ஆண்டுக்கான Pain Awareness Day நிகழ்ச்சிக்கு நிதியுதவி வழங்குவதற்கு நான் எனது உறுதிப்பாட்டையும் தெரிவித்துள்ளேன்.
இந்நிகழ்ச்சி Dr Ooi Min Ming மற்றும் Hospital Seberang Jaya குழுவினரால் ஏற்பாடு செய்யப்படவுள்ளது.
Hospital Seberang Jaya நிர்வாகம், Hospital Pain-Free Committee, HSJ-யின் அனைத்து ஊழியர்கள் மற்றும் இந்நிகழ்ச்சியை வெற்றிகரமாக நடத்துவதற்கு பங்களித்த அனைவருக்கும் எனது மனமார்ந்த வாழ்த்துகளையும் பாராட்டுகளையும் தெரிவித்துக் கொள்கிறேன்.
வலி அங்கீகரிக்கப்பட வேண்டும்.
நோயாளிகளின் குரல் கேட்கப்பட வேண்டும்.
அறிவு, கருணை மற்றும் குழு ஒத்துழைப்புடன் சிகிச்சை வழங்கப்பட வேண்டும் என்று அவர் கேட்டுக் கொண்டார்