கோலாலம்பூர், அக்.9: 2027ஆம் ஆண்டுக்கான வரவு செலவுத் திட்டத்தில் நாடு முழுவதும் உள்ள அனைத்து வகை பள்ளிகளின் பழுதுபார்ப்பு மற்றும் பராமரிப்புப் பணிகளுக்கான நிதி ஒதுக்கீட்டை 2 மடங்காக உயர்த்தி 200 கோடி ரிங்கிட்டாக வழங்கப்படும் என பிரதமர் அறிவித்தார்.
அதில் தமிழ்ப்பள்ளிகளுக்கு 5 கோடி ரிங்கிட் ஒதுக்கீடு செய்யப்பட்டுள்ளது குறிப்பிடத்தக்கது. மேலும், ஜோகூர், குளுவாங்கில் உள்ள லடாங் பாமோல் தமிழ்ப்பள்ளி முழுமையாகப் புனரமைக்கப்படும் என்றும் தெரிவிக்கப்பட்டது.
இதற்கிடையில், இந்தியச் சிறுதொழில் முனைவோர் தங்களது வணிகத்தை விரிவுபடுத்துவதற்காக தெக்குன் (Tekun) மற்றும் அமானா இக்தியார் மலேசியா (Amanah Ikhtiar Malaysia) ஆகியவற்றின் கீழ் வழங்கப்படும் நிதியுதவி RM15 கோடியாக உயர்த்தப்படும்.
கூடுதலாக, அடுத்து ஆண்டு மலேசிய இந்தியர் உருமாற்றப் பிரிவிற்கான (மித்ரா) ஒதுக்கீடு 15 கோடி ரிங்கிட்டாக அதிகரிக்கப்படும் என பிரதமர் அன்வார் குறிப்பிட்டார்.
இந்தத் திட்டத்தில் தொழில்துறை ஆட்டோமேஷன், தொழில்நுட்பம் மற்றும் விமான பராமரிப்பு போன்ற துறைகளில் இந்திய இளைஞர்களுக்குப் பயிற்சிகளும் வேலைவாய்ப்புகளும் வழங்குவதற்கு முன்னுரிமை அளிக்கப்படும்.