பத்து காஜா, செப் 16-
பொது பாதுகாப்பு என்பது காவல்துறையின் முழுப் பொறுப்பு அல்ல; அது சமூகம் சுமக்க வேண்டிய கடமை என்று பத்து காஜா நாடாளுமன்ற உறுப்பினர், மலேசிய மாநாட்டு மற்றும் கண்காட்சி பணியகத்தின் தலைவர் வ. சிவகுமார் தெரிவித்தார்.
உள்ளூர் தலைவர்கள் தாங்கள் வசிக்கும் பகுதிகளில் பாதுகாப்பைப் பேணுவதற்கு சமூகக் காவல் குழுக்களை நிறுவுவதில் முக்கியப் பங்காற்ற முடியும்.
சமூகக் காவல் உறுப்பினர்கள் பாதுகாப்பை உறுதிப்படுத்தவும், தங்கள் சுற்றுப்புறங்களில் குற்ற விகிதங்களைக் குறைக்கவும் காவல்துறையுடன் நெருக்கமாகப் பணியாற்றலாம் என்று அவர் சொன்னார்.
சமூகக் காவல் குழுக்கள் மற்றும் ராயல் மலேசியன் காவல்துறை (PDRM) ஆகியவற்றின் கூட்டு முயற்சிகள் அந்தந்த பகுதிகளில் குற்ற விகிதங்களைக் கணிசமாகக் குறைக்கும்.
கூடுதலாக, இந்த குழுக்கள் உறவுகளை வலுப்படுத்த பல்வேறு சமூக நடவடிக்கைகளை ஏற்பாடு செய்யலாம் என்று அவர் கேட்டுக் கொண்டார்.
அந்த வகையில் பத்து காஜா பூசிங் சமூக பாதுகாப்பு சங்கத்தின் சேவைகள் தொடர 10,000 வெள்ளி மானியத்தை அவர் வழங்கி பேருதவி புரிந்துள்ளார் என்பது குறிப்பிடத்தக்கது.