கோலாலம்பூர் மே 25-
கெஅடிலான் கட்சியின் தேசிய துணை தலைவர் தேர்தலில் நூருல் இஸா அமோக வெற்றி பெற்றுள்ளது நம்பிக்கை நிறைந்த புதிய அத்தியாயத்தைக் குறிக்கிறது என்று பண்டார் துன் ரசாக் கெஅடிலான் தொகுதி உதவித் தலைவர் ஜோனதன் வேலா தெரிவித்தார்.
அதேசமயம் பிகேஆர் உதவித் தலைவராக தலைவராக தேர்ந்தெடுக்கப் பட்ட டத்தோஸ்ரீ ஆர். ரமணனுக்கு எனது வாழ்த்துக்களைத் தெரிவித்துக் கொள்கிறேன்.
குறிப்பாக மலேசிய இந்திய சமூகத்திற்கு. கொள்கைகள், கடின உழைப்பு மற்றும் லட்சியத்தின் மீதான விசுவாசம் ஆகியவற்றின் அடிப்படையிலான தலைமை மாற்றத்தை ஏற்படுத்தி சமூகத்தின் குரலை உயர்த்தும் என்பதற்கு இந்த வெற்றி சான்றாகும்.
இது வெறும் அரசியல் வெற்றி மட்டுமல்ல, நாட்டின் தலைமைத்துவத்தில் இந்திய சமூகத்தின் பங்கையும் குரலையும் வலுப்படுத்தும் ஒரு குறிப்பிடத்தக்க தருணம் என்று அவர் கூறினார்.
நூருல் இஸா மற்றும் டத்தோஸ்ரீ ரமணனின் வெற்றி, நீண்டகால விருப்பத்திற்குப் புதிய உயிர் அளித்து, மலேசியாவின் பன்முகத்தன்மை கொண்ட சமூக நிலப்பரப்பில் அனைவரையும் உள்ளடக்கிய முன்னேற்றத்திற்கான ஒரு முக்கியமான அளவுகோலை அமைக்கிறது.
நூருல் இசா மற்றும் டத்தோஸ்ரீ ரமணனின் வெற்றி நம்பிக்கை நிறைந்த புதிய அத்தியாயத்தைக் குறிக்கிறது. இது உண்மையான மாற்றம், கொள்கை ரீதியான தலைமை மற்றும் ஒன்றுபட்ட எதிர்காலத்திற்கான மக்களின் ஆணையை பிரதிபலிக்கிறது என்று அவர் சொன்னார்.