கோலாலம்பூர் ஜூன் 7-
இந்து கோயில்கள் தொடர்பான பேராக் மாநில செயற்குழு உறுப்பினரின் அறிக்கை – மலேசிய அரசியலமைப்பை மீறுகிறது, மத சுதந்திரத்திற்கும் எதிராகும் என்று ம இகா தேசிய உதவித் தலைவர் டத்தோ டி. முருகையா தெரிவித்தார்.
நான், டத்தோ டி. முருகையா, மஇகா vice president எனும் நிலையில், பேராக் மாநிலத்தின் ஒரு செயற்குழு (EXCO) உறுப்பினர் வெளியிட்ட அறிக்கையை மிகக் கவலையுடன் எடுத்துக்கொள்கிறேன். அவர் கூறியதாவது:
“அடுத்த 5 ஆண்டுகளுக்கு அரசு நிலத்தில் எந்த இந்து கோயிலும் கட்ட அனுமதி அளிக்கப்பட மாட்டாது”
இந்த அறிக்கை மத நம்பிக்கைகளுக்கு எதிரானது, மேலும் மலேசிய அரசியலமைப்பின் 11ஆவது சட்டவிதியை முற்றிலுமாக மீறுகிறது.
அந்த சட்ட விதி அனைத்து மக்களுக்கும் மத சுதந்திரத்தை உறுதி செய்கிறது.
எனது கேள்விகள்:
- ஏன் இந்த அறிவிப்பு எதை மட்டுமாக இந்து கோயில்களுக்கே எதிரானதாக உள்ளது? இது பிற மத ஆலயங்களுக்கும் பொருந்துகிறதா?
- அரசு நிலத்தில் பல ஆண்டுகளாக நிலைத்திருக்கின்ற இந்து கோயில்களின் நிலை என்னவாகும்? அவற்றை அரசு இடிக்கப் போகிறதா?
- இந்தக் கொள்கை அறிவிப்புக்கு முன் இந்திய சமூகத் தலைவர்கள், இந்து மத அமைப்புகள் ஆகியோருடன் கலந்தாலோசனை நடத்தப்பட்டதா?
இத்தகைய அறிக்கை ஒரு அரசுத் தலைவரிடமிருந்து வருவது மிகுந்த கவலையையும் நியாயமற்றதுமான நிலைப்பாட்டையும் காட்டுகிறது.
எனது வலியுறுத்தல்:
சம்பந்தப்பட்ட EXCO உறுப்பினர் அரசியலமைப்புக்கு உட்பட்டு தனது அறிக்கையை திரும்பப் பெற வேண்டும் மற்றும் மன்னிப்பு கோர வேண்டும்.
பேராக் மாநில அரசு, மலேசிய அரசியலமைப்பின் அடிப்படையில் மதங்களுக்கு சமநிலை மற்றும் மதிப்பீடு வழங்கும் உறுதியை வெளியிட வேண்டும்.
நாம் ஒரு பன்மத, பன்மொழி நாடாக இருப்பதால், ஒற்றுமை மற்றும் மதங்களைப் பரஸ்பரம் மதிக்கும் பண்பை பேண வேண்டும். வெறுப்பைத் தூண்டும் நடவடிக்கைகள் மற்றும் அறிக்கைகள் தவிர்க்கப்பட வேண்டும்.
மஇகா கட்சி, குறிப்பாக இந்திய சமூகத்திற்கான மத சுதந்திரம் மற்றும் உரிமைகளை பாதுகாக்க தொடர்ந்து பாடுபடும் என்று அவர் தனது அறிக்கையில் குறிப்பிட்டுள்ளார்.