கோலாலம்பூர்: இளைய தலைமுறையினரிடையே விழிப்புணர்வை ஏற்படுத்தவும், பகடி வதை மற்றும் கொடுமைப்படுத்துதலை சமாளிக்கவும் மலேசிய இந்திய காங்கிரஸ் (மஇகா), நாடு தழுவிய அளவில் ஹாட்லைனை அறிமுகப்படுத்தியுள்ளது.
தேசிய தின கொண்டாட்டங்களுடன் இணைந்து நடைபெற்ற மெர்டேக்கா மோட்டார் சைக்கிள் ஊர்வலத்தின் போது மஇகா பணிப்படை தலைமையிலான இந்த முயற்சியை மஇகா துணைத் தலைவரும், தாப்பா நாடாளுமன்ற உறுப்பினருமான டத்தோஸ்ரீ எம். சரவணன் அதிகாரப்பூர்வமாக தொடக்கி வைத்தார்.
Merdekakan Generasi dari Budaya Buli”” (பகடிவதை கலாச்சாரத்திலிருந்து தலைமுறையை விடுவித்தல்) என்ற கருப்பொருளைக் கொண்ட இந்தப் பிரச்சாரம், இளம் மலேசியர்களை குற்றம் மற்றும் எதிர்மறையான நடத்தையிலிருந்து விலக்கி வைப்பதற்காக பிரிகேட் எம்ஐசி- யின் “குற்றவாளிகளுக்கு எதிரான ஜெனரல்” முயற்சியின் ஒரு பகுதியாகும் என்று அதன் தலைவர் அண்ட்ரூ டேவிட் தெரிவித்தார்.
பாதிக்கப்பட்டவர்கள் மற்றும் கொடுமைப்படுத்துதலுக்கு சாட்சிகளாக வருபவர்களுக்கு பாதுகாப்பான வழியை வழங்குவதற்காக இந்த ஹாட்லைன் நிறுவப்பட்டதாக ஆண்ட்ரூ டேவிட் கூறினார்.
“குற்றவாளிகளுக்கு எதிரான ஹாட்லைன் 017 9090 997 ஐந்து முக்கிய நோக்கங்களுக்கு உதவும் .
குறிப்பாக பாதுகாப்பான புகார் வழியை வழங்குதல், உணர்ச்சிபூர்வமான ஆதரவு மற்றும் ஆலோசனை வழங்குதல், பதிலை விரைவுபடுத்துதல், கொடுமைப்படுத்துதல் குறித்த பொதுமக்களின் விழிப்புணர்வை ஏற்படுத்துதல் மற்றும் இறுதியில் கொடுமைப்படுத்துதல் சமூகத்தில் வேரூன்றுவதைத் தடுப்பது இதன் முக்கிய நோக்கமாகும் என்றார் அவர்.