கோலாலம்பூர், 23 டிசம்பர் 2025 — மக்கள் முட்போக்கு கட்சி (பிபிபி) தலைவர் டத்தோ டாக்டர் லோகா பாலா மோகன், முன்னாள் பிபிபி தலைவர் எஸ். ஐ. ராஜா அவர்களின் மறைவுக்கு அவரது குடும்பத்தினருக்கு ஆழ்ந்த இரங்கலை தெரிவித்தார்.
நியூமோனியா காரணமாக நேற்று அவர் காலமானார். அவருக்கு வயது 86.
தனது இரங்கல் செய்தியில், டத்தோ டாக்டர் லோகா பாலா மோகன், மறைந்த எஸ். ஐ. ராஜா அவர்களை, கட்சியின் வரலாற்றில் சவாலான காலகட்டத்தில் பிபிபி-யின் வளர்ச்சி, நிலைத்தன்மை மற்றும் தொடர்ச்சிக்காக குறிப்பிடத்தக்க பங்களிப்புகளை செய்த மதிப்பிற்குரிய கட்சி தலைவராக வர்ணித்தார்.
“எஸ். ஐ. ராஜா அவர்களின் மறைவு, அவரது குடும்பத்தினருக்கு மட்டுமல்ல, பிபிபிக்கும் ஒரு பெரும் இழப்பாகும். அவர் கட்சிக்காக அர்ப்பணிப்புடன் பணியாற்றியவர்; பல இன ஒற்றுமை மற்றும் மக்களுக்கு சேவை என்ற கட்சியின் நிறுவல் கொள்கைகளை உறுதியாகக் காத்தவர்,” என்று அவர் தெரிவித்தார்.
மேலும், எஸ். ஐ. ராஜா அவர்களின் தலைமைத்துவமும் வழிகாட்டுதலும், முக்கியமான மாற்றங்களையும் உள்நாட்டு சவால்களையும் கடந்து செல்ல பிபிபி – -க்கு உதவியதாகவும், அவரது பாரம்பரியம் இன்றும் கட்சி உறுப்பினர்கள் மற்றும் தலைவர்களால் நினைவுகூரப்படுவதாகவும் டத்தோ டாக்டர் லோகா பாலா மோகன் குறிப்பிட்டார்.
“பிபிபி தேசிய தலைமைத்துவம் மற்றும் நாடு முழுவதும் உள்ள கட்சி உறுப்பினர்கள் சார்பில், துயருறும் குடும்பத்தினருக்கு எங்களின் மனமார்ந்த அனுதாபங்களை தெரிவித்துக் கொள்கிறேன்.
இந்த கடினமான நேரத்தில் அவர்கள் தைரியமும் ஆறுதலும் பெற வேண்டுகிறேன். அவரது ஆன்மா சாந்தியடையட்டும்,” என்றும் அவர் கூறினார்.
ஒரு முக்கிய வழக்கறிஞராக விளங்கிய எஸ். ஐ. ராஜா, 1978 முதல் 1982 வரை PPP தலைவராக பணியாற்றினா.
செயலில் இருந்து விலகிய பின்னரும், அவர் கட்சிக்குள் ஒரு செல்வாக்கு மிக்க நபராகத் தொடர்ந்து விளங்கினார்