பிரதமர் டத்தோஸ்ரீ அன்வார் இப்ராஹிமின் அழைப்பின் பேரில் இந்தியப் பிரதமர் நரேந்திர மோடி இரண்டு நாள் அதிகாரப்பூர்வ பயணமாக இன்று மாலை மலேசியா வந்தார்.
மோடியின் விமானம் மாலை 4.40 மணிக்கு KLIA-வில் தரையிறங்கியது, அங்கு அவரை பிரதமர் டத்தோஸ்ரீ அன்வார் இப்ராஹிம் மற்றும் மனிதவள அமைச்சர் டத்தோஸ்ரீ ஆர். இரமணன் வரவேற்றனர்.
அவர் மரியாதை அணிவகுப்பைப் பார்வையிட்டார், மலேசிய மற்றும் இந்தியக் கொடிகளை அசைத்து 100 மாணவர்கள் அவரை வரவேற்றனர்.
அத்துடன் மலேசியாவின் பல இன பாரம்பரியத்தை பிரதிபலிக்கும் பாரம்பரிய மேளம் மற்றும் நடனங்கள் உள்ளிட்ட கலாச்சார நிகழ்ச்சிகளும் நடைபெற்றன.
பிரதமர் மோடியும் பிரதமர் அன்வாரும் CSP-ஐ மறுஆய்வு செய்வதற்கும் வர்த்தகம், முதலீடு, பாதுகாப்பு, கல்வி, சுற்றுலா, விவசாயம் மற்றும் பிராந்திய பிரச்சினைகளில் ஒத்துழைப்பை ஆராய்வதற்கும் இருதரப்பு பேச்சுவார்த்தைகளை நடத்துவார்கள் என்று எதிர்பார்க்கப்படுகிறது.
1957 ஆம் ஆண்டு இராஜதந்திர உறவுகள் நிறுவப்பட்டதிலிருந்து மலேசியாவிற்கும் இந்தியாவிற்கும் இடையிலான நட்பை கட்டியெழுப்ப, மோடியின் வருகை இருதரப்பு உறவுகளை மேம்படுத்தும் மற்றும் பரஸ்பர நன்மை பயக்கும் துறைகளில் ஒத்துழைப்பை ஆழப்படுத்தும் என்று எதிர் பார்க்கப்படுகிறது.