காஜாங், மே 20-
காஜாங் நகராண்மைக் கழகத்தின் முன்னாள் கவுன்சிலர் தியாகராஜா ராஜகோபால் அவர்கள் கடந்த வாரம் ஜசெக கட்சியின் சார்பில் புதிய செனட்டராக பதவி உறுதிமொழி எடுத்து கொண்டார் .
காஜாங் வட்டாரத்தின் மண்ணின் மைந்தரான அவருக்கு நேற்று முன்தினம் திரு. எம்.குமாரவேலு தலைமையிலான காஜாங் இந்திய அரசு சாரா நிறுவனங்கள்-அரசு சாரா நிறுவனங்கள் கூட்டமைப்பின் சார்பில் மரியாதை செலுத்தும் விதமாக, காஜாங்கில் உள்ள ரிவர் ஃபிஷ் உணவகத்தில் இரவு விருந்து நடைபெற்றது.
இந்நிகழ்ச்சியில் டத்தோ முத்து ரத்தினம், திரு. சுப்பிரமணியம், திரு. சுந்தர லிங்கம், திரு. தனபாலன், திரு. வேலூ, திரு. அன்புரசு , திரு.கருணாகரன் மற்றும் பிற உறுப்பினர்களும் கலந்து கொண்டனர்.
இந்நிகழ்ச்சியில், காஜாங் இந்திய அரசு சாரா நிறுவனங்கள்-அரசு சாரா நிறுவனங்கள் கூட்டமைப்பின் சார்பாக, திரு. எம்.குமாரவேலு அவர்கள் மாண்புமிகு செனட்டர் தியாகராஜாவுக்கு மாலை அணிவித்து சிறப்பு செய்தார்.
மேலும் இந்நிகழ்ச்சியில் கலந்துகொண்ட கூட்டமைப்பின் உறுப்பினர்களால் பரிசுகளும் நினைவுப் பொருட்களும் வழங்கப்பட்டன.