சிரம்பான் ஜூலை 30-
நான் ஹூ வெங் வா, திமியாங் மண்ணின் மைந்தர்.
இதயத்துடன் இணைந்து மக்களுக்காக சேவை செய்து வருகின்றேன் என்று நெகிரி செம்பிலான் மாநிலத்தில் பக்கத்தான் ஹராப்பான் சார்பில் திமியாங் சட்டமன்ற தொகுதியில் போட்டியிடும் ஹூ வெங் தெரிவித்தார்.
2018 ஆம் ஆண்டு சிரம்பான் மாநகர மன்ற உறுப்பினராக பணியாற்றும் வாய்ப்பு கிடைத்தது. இந்த அனுபவம், உள்ளாட்சி நிர்வாகம் மற்றும் மக்களின் தேவைகளை சிறப்பாகப் புரிந்து கொள்ள உதவியது.
2023 ஆம் ஆண்டு முதல், போக்குவரத்து அமைச்சரின் அரசியல் செயலாளராக பணியாற்றி வருகிறேன். இந்தப் பொறுப்பு, மத்திய மற்றும் மாநில அரசுகளுக்கிடையேயான ஒத்துழைப்பை வலுப்படுத்தி, மக்களுக்கான வளர்ச்சி வாய்ப்புகளை அதிகரிக்கும் அனுபவத்தை எனக்கு வழங்கியுள்ளது.
இந்த 18 ஆண்டுகள் எனக்குக் கற்றுக் கொடுத்த மிகப் பெரிய பாடம் என்னவென்றால், அரசியல் என்பது பதவி அல்ல; அது மக்களைக் கேட்பதும், உதவுவதும், அவர்களின் பிரச்சினைகளுக்குத் தீர்வு காண்பதும் ஆகும்.
இன்று, திமியாங் சட்டமன்ற உறுப்பினராக மக்களுக்கு சேவையும் வாய்ப்பும் வழங்க நான் நாடுகின்றேன்.
எனது அனுபவம், அர்ப்பணிப்பு மற்றும் உறுதியுடன், என் சொந்த ஊரான திமியாங் மக்களின் எதிர்காலத்தை மேலும் சிறப்பாக உருவாக்க விரும்புகிறேன்.
திமியாங் மக்களின் மைந்தனாக, இங்குள்ள மக்களின் தேவைகள், சவால்கள் மற்றும் எதிர்பார்ப்புகளை நான் நன்கு அறிந்தவன்.
18 ஆண்டுகள் சேவையில்
ஒருபோதும் ஓயவில்லை.
இப்போதும்.
திமியாங் மக்களுக்குத் தொடர்ந்து சேவை செய்ய
உங்கள் நம்பிக்கையையும் ஆதரவையும்
வேண்டுகிறேன்.
வரும் ஆகஸ்ட் 1 ஆம் தேதி நடைபெறும் வாக்களிப்பு தினத்தில் திமியாங் மக்கள் திரண்டு வந்து வாக்களித்து வெற்றிபெற செய்யும்படி அன்போடு கேட்டுக் கொள்கிறேன் என்றார் அவர்.