கோலாலம்பூர் அக் 7-
பெண்கள் தலைமையிலான நிறுவனங்கள், முன்கூட்டியே ஏற்பாடு செய்யப்பட்ட வணிகப் பொருத்துதல் சந்திப்புகள் மற்றும் நான்கு நாட்கள் நடைபெற்ற Women in Export (WiEX) அரங்கக் கண்காட்சியின் மூலம், RM229 மில்லியன் மதிப்பிலான ஏற்றுமதி விற்பனை வாய்ப்பைப் பதிவு செய்துள்ளன.
இந்த நிகழ்வு Malaysia International Halal Showcase (MIHAS) 2026-ன் ஒரு பகுதியாக நடைபெற்றது.
மொத்தம் 215 இலக்குவைக்கப்பட்ட B2B சந்திப்புகள் நடைபெற்றன.
இவை மலேசிய பெண் தொழில்முனைவோர்களையும் எகிப்து, கசகஸ்தான், உஸ்பெகிஸ்தான், சீனா, ஹொங்கொங், தாய்லாந்து, இந்தோனேசியா மற்றும் மியான்மர் ஆகிய நாடுகள் மற்றும் பிராந்தியங்களைச் சேர்ந்த சர்வதேச வாங்குபவர்கள் மற்றும் விநியோகஸ்தர்களையும் இணைத்தன.
சிலாங்கூர், கெடா, கோலாலம்பூர், பேராக் மற்றும் பினாங்கு மாநிலங்களைச் சேர்ந்த பெண்களுக்குச் சொந்தமான நிறுவனங்கள் அதிகபட்ச விற்பனை மதிப்பைப் பதிவு செய்தன.
இந்நிறுவனங்கள் இணைந்து RM129.84 மில்லியன் மதிப்பிலான விற்பனையைப் பதிவு செய்துள்ளன.
இவற்றில் மிட்டாய் மற்றும் இனிப்பு வகைகள், சிற்றுண்டிகள், காபி, தேநீர், கோகோ மற்றும் விளையாட்டு உடைகள் உள்ளிட்ட பொருட்கள் இடம்பெற்றன என்பது குறிப்பிடத்தக்கது.