நீலாய், பிப் 28 –
நீலாய் பகுதியில் செயல்படுத்தப்பட்ட MILA University, வளர்ச்சித் திட்டங்களை நேரில் காணும் வாய்ப்பு தமக்கு நேற்று கிடைத்ததாக நெகிரி செம்பிலான் மாநில ஆட்சிக் குழு உறுப்பினர் ஜெ. அருள் குமார் தெரிவித்தார்.
மிலா பல்கலைக்கழகம் (முன்னர் மணிப்பால் பல்கலைக்கழகம், நிலை என அழைக்கப்பட்டது) பண்டார் பாரு நீலாயில் 150 ஏக்கர் நிலப்பரப்பில் பல்வேறு வசதிகளுடன் ஒரு பல்கலைக்கழகத்தை உருவாக்கி வருகிறது.
இந்த வளாகத்தில் 11 ஆயிரத்துக்கும் மேற்பட்ட சர்வதேச மற்றும் உள்ளூர் மாணவர்களுக்கு இடமளிக்க முடியும் என்றும் எனக்குத் தெரிவிக்கப்பட்டது. இப்போது கட்டம் 1-க்கான வளர்ச்சி தொடங்கப்பட்டு 2 ஆண்டுகளில் நிறைவடையும் என்று எதிர்பார்க்கப்படுகிறது.
வளாகத்தை ஒட்டிய சில வணிகப் பகுதிகள் உட்பட அனைத்து 150 ஏக்கரையும் உள்ளடக்கிய மேம்பாடு முடிக்க 10 ஆண்டுகள் ஆகும். இங்கு மேற்கொள்ளப்படும் எந்தவொரு அபிவிருத்திப் பணிகளும் எந்தத் தரப்புக்கும் பிரச்சினையையும் ஏற்படுத்தாது என்பதையும் நான் வலியுறுத்துகின்றேன்.
நீலாய் சட்டமன்றப் பகுதியில் எந்த ஒரு வளர்ச்சித் திட்டத்தையும் நான் எதிர்க்கவில்லை. ஆனால் அது மற்றவர்களுக்கு இடையூறு மற்றும் பிற சிக்கல்களை ஏற்படுத்தாமல் பார்த்துக் கொள்ள வேண்டும் என்று வலியுறுத்தியதாக நீலாய் சட்டமன்ற உறுப்பினருமான அவர் சொன்னார்.