பிலிப்பைன்ஸ் நாட்டின் சுபிக்-கிளார்க்-டார்லாக் (SCTEX) விரைவுச் சாலையில் ஏற்பட்ட கொடூர சாலை விபத்தில் 10 பேர் உயிரிழந்துள்ளனர், மேலும் 30க்கும் அதிகமானோர் தீவிர காயங்களுடன் மருத்துவமனையில் அனுமதிக்கப்பட்டுள்ளனர்.
இந்த பயங்கர சம்பவம் நண்பகலுக்குப் பிறகு, மணிலாவின் வடக்குப் பகுதியில் இடம் பெற்றதாக அதிகாரிகள் தெரிவித்தனர். ஒரு டிரக் மற்றும் பயணிகள் பேருந்து உட்பட ஐந்து வாகனங்கள் இந்த மோதலில் சிக்கிக்கொண்டுள்ளன.
பேஸ்புக் பதிவொன்றில், பிலிப்பைன்ஸ் செஞ்சிலுவைச் சங்கம் இந்த விபத்துச் செய்தியை உறுதிப்படுத்தி, மீட்புப் பணிகள் தொடர்ந்துள்ளதாக கூறியது.
அதிக கவலைக்குரிய விஷயம் என்னவெனில், SOLID NORTH BUS TRANSIT நிறுவனத்திற்குச் சொந்தமான பேருந்தின் ஓட்டுநர் தூங்கியதால் இந்த சம்பவம் நிகழ்ந்திருக்கலாம் என்று தொடக்க விசாரணையில் தெரிய வந்துள்ளது.
விபத்தில் சிக்கியவர்களுக்கு அவசர மருத்துவ சேவைகள் வழங்கப்பட்டு வருவதாக அதிகாரிகள் தெரிவித்தனர். இது போன்ற சம்பவங்கள் பாதுகாப்பு நடைமுறைகளை மீண்டும் ஒருமுறை சிந்திக்க வைக்கும் என்பதை இச்சம்பவம் வலியுறுத்துகிறது.