புத்ரா ஜெயா ஜூலை 30-
ஐந்துக்கும் குறைவான பணியாளர்களைக் கொண்ட முதலாளிகளை உள்ளடக்கிய குறைந்தபட்ச ஊதியமான RM1,500 நடைமுறைப்படுத்துவது நாளை முதல் அதாவது ஜூலை 1, 2023 முதல் நடைமுறைக்கு வருகிறது என்று மனிதவள அமைச்சர் வ. சிவகுமார் இன்று வெளியிட்ட அறிக்கையில் தெரிவித்துள்ளார்..

குறைந்தபட்ச ஊதிய ஆணை (PMG) 2022 இன் கீழ் அமலாக்கத்தில் உள்நாட்டு சேவைகள், தோட்டம், விவசாயம் மற்றும் உற்பத்தி உள்ளிட்ட அனைத்து துறைகளும் அடங்கும்.

முன்னதாக அரசாங்கம் அறிவித்த முடிவின் அடிப்படையில், ஜனவரி 1, 2023 என நிர்ணயிக்கப்பட்ட ஆரம்ப தேதியுடன் ஒப்பிடுகையில் இந்த அமலாக்கம் ஆறு மாதங்கள் தாமதமானது.

இருப்பினும் புதிய குறைந்தபட்ச ஊதியத்தை அமல்படுத்துவது மார்ச் 19, 2022 அன்று அரசாங்கத்தால் அங்கீகரிக்கப்பட்டது .

மேலும் 27 ஏப்ரல் 2022 அன்று அட்டர்னி ஜெனரல் அலுவலகத்தால் வெளியிடப்பட்ட மத்திய அரசின் அரசிதழின் மூலம் அரசிதழில் வெளியிடப்பட்டது.

எனவே, மனிதவள அமைச்சு (KSM) 1 மே 2022 முதல் ஐந்து அல்லது அதற்கு மேற்பட்ட தொழிலாளர்களை வேலைக்கு அமர்த்தும் முதலாளிகளுக்குப் அனைத்துத் துறைகளுக்கும் இந்த குறைந்த பட்ச ஊதியம் செயல்படுத்துகிறது என்று அவர் சொன்னார்.